Вести - Јануари 2016

На денешната седница на Советот се донесоа повеќе предлог - одлуки и решенија

Советот на општина Струмица денеска ја одржа 35-седница. На истата, советниците ги усвоија предлог – планот за запишување на ученици во прва година во средните општински училишта во општина Струмица во учебната 2016/2017 година, предлог – одлуката за долгорочно задолжување на Општината, предлог – одлуката за отстапување на моторно возило (трактор) на Јавното претпријатие за комунални дејности „Комуналец“, извештајот за работата на Територијалната професионална противпожарна единица на Струмица за 2015 година.

Седниците на Советот на општина Струмица и на знаковен јазик за глуви и наглуви лица

Општина Струмица од денеска ја зголеми транспарентноста и отчетноста кон своите граѓани, правејќи ги достапни седниците на Советот и за лицата со посебни потреби. Покрај тоа што со новата сала им е овозможено на лицата со посебни потреби да присуствуваат на седниците на Советот, за првпат, денешната 35 – та седница на Советот се емитуваше и на знаковен јазик за глуви и наглуви лица. Тоа значи дека почнувајќи од оваа седница, а преку ТВ каналот Вис, глувите и наглуви лица редовно ќе бидат информирани за работата на Советот на општина Струмица и за сите одлуки и решенија кои ќе ги носат неговите членови.Емитувањето на седниците на Советот на знаковен јазик за глуви и наглуви лица го овозможи градоначалникот на општина Струмица, Зоран Заев, кој од секогаш давал безрезервна поддршка на лицата со посебни потреби.

Главната интернационална вечер на карневалот ќе се одржи на 12 март

Годинашното издание на струмичкиот карневал ќе се одржи од 9 до 16 март. Традиционално оваа најголема манифестација ќе започне со маскенбалот на кој се избираат принцот и принцезата, а завршува со празникот Тримери.

Решение за свикување триесет и петтата седница на Советот на општина Струмица

 Врз основа на член 48 став 1 точка 1 од Законот за локалната самоуправа (“Сл.весник на РМ” бр. 5/02) и член 57 став 1 од Деловникот на Советот на општина Струмица (“Сл. гласник на општина  Струмица” бр. 2/06), донесувам


Р е ш е н и е

за свикување триесет и петтата седница на

Советот на општина Струмица


Претседателот на Советот положи цвеќе пред спомен бистата на првоборецот Герас Цунев

По повод 73-годишнината од убиството на првоборецот Герас Цунев, денеска, пред спомен бистата во малиот градски парк се одржа пригодна свеченост. Oд името на општина Струмица свежо цвеќе положи Јосиф Христов претседател на Советот, а за животот и делото на првоборецот зборуваше Соња Чурлинова претседател на општинскиот одбор на СБМ од НОАВМ. Свеченоста заврши со рецитал во изведба на членовите на рецитаторската секција при домот за деца и млади „Благој Мучето“.

Во 2015 година решени 1.630 проблеми на граѓаните преку „Систем 48“

Минатата година биле решени вкупно 1.630 проблеми на граѓаните преку општинскиот сервис „Систем 48“ од вкупно доставените 1.762 пријави. Останатите 132 пријави се во процес на решавање затоа што станува збор за пријави кои имаат инвестиционен карактер и за чија реализација е потребно подолго време од 48 часа. 

Градоначалникот Заев:Се надевам дека денешниот ден ќе не поттикне да ги зачуваме трпението и љубовта

Градоначалникот Зоран Заев со граѓаните на општина Струмица, денеска, присуствуваше на фрлањето на Светиот крст во осветените води на базенот „Аквариус“. Во свое лично име и од името на општина Струмица, на најсреќниот меѓу најхрабрите кој го фати крстот, Лазо Котуровиќ, му посака многи среќа и бериќет во оваа година и му врачи Плакета и православен крст изработен од срмен конец, а на сите граѓани им порача да ја сочуваат љубовта и им посака подобра иднина од денешната.Се надевам дека денешниот ден ќе не поттикне да се пронајдеме во верата, ќе не поттикне да ги зачуваме трпението и љубовта, длабоко верувам дека по крстената вода ќе ни даде сила за поубаво денес и утре. Празнувајќи го денешниот ден, крштевањето христово на сите граѓани од целата нашата земја силно им посакувам да ја сочуваат љубовта, силно им посакувам подобра иднина, поразлична од денешната. Нека ни е честит и за многу години богојавление христово – Водици, рече градоначалникот Заев.


Комуналец интервенираше со сол и ризла по улиците во градот

По снежните врнежи, екипи на Јавното претпријатие за комунални дејности „Комуналец“ викендот беа постојано на терен и интервенираа по улиците во градот обезбедувајќи услови за нормално одвивање на сообраќајот. Според Бранко Ѓоргиев, раководител на работната единица „Чистота“ се интервенираше со два камиона со плуг и два трактора со циклон и тоа на сите улици каде што овие возила можеа да влезата, а поради лошо паркирани возила од страна на граѓаните, возилата на „Комуналец“ не можеа да влезат во дел од улиците, особено во горниот дел од градот. Во изминатите два дена на улиците во Струмица беа фрлени 8,4 тони сол и 3,5 тони ризла, а се вршеше и машинско расчистување на снегот во населеното место Габрово.Од Јавното претпријатие за комунални дејности „Комуналец“ потврдија дека располагаат со доволни количини сол и ризла, а и возилата се подготвени за одржување на улиците во зимски услови.


© 2005-2019 Општина Струмица, ул."Сандо Масев" бр.1, 2400 Струмица, Република Македонија, тел.00389(0)34 348030, факс.(034)320544