Вести - Октомври 2016

Општина Струмица го одбележа Денот на народното востание и Денот на борецот

Општина Струмица, денеска, го одбележа Денот на народното востание на Македонија и Денот на борецот. Одбележувањето се одржа пред Споменикот на револуцијата во градскиот парк каде претставници на општина Струмица, на општинскиот одбор на борците, јавни институции, политички партии и здруженија на граѓани положија свежо цвеќе, а за значењето на празникот зборуваше Јосиф Христов, претседател на Советот на општина Струмица.

Честитка од градоначалникот Зоран Заев по повод 11-ти Октомври Денот на народното востание и Денот на борецот

Почитувани граѓани,

Од мое лично име и од името на општина Струмица, Ви го честитам 11-ти Октомври Денот на народното востание, симболот на македонската борба за слобода и Денот на борецот.

Денес, 75 години по востаничкиот Октомври, им оддаваме почит на  борците кои ги положија своите животи во народноослободителната и антифашистичката војна на Македонија. Се гордееме на нивниот непокор, на нивната храброст и одлучност да ја ослободат Македонија од туѓите поробувачи. Но, и се заветуваме да го чуваме нивниот аманет за национални, социјални и политички слободи и права.

Јавен повик за избор на учесници на обуки во рамки на проектот ,,Бизнис Мрежа С-К-К

Во рамките на реализацијата на проектот ,,Создавање на поволно деловно опкружување за економска одржливост на прекуграничниот регион Струмица - Кичево - Кукуш” - Бизнис Мрежа С-К-К (во понатамошниот текст - проект ,,Бизнис Мрежа С-К-К”), финансиран од Европската Унија преку ИПА Програмата за прекугранична соработка помеѓу Република Македонија и Република Грција 2007-2013, општина Струмица, на ден 10.10.2016 година, објавува:

Под покровителство на општина Струмица ќе се одржи традиционалниот фудбалски турнир за девојчиња

Под покровителство на општина Струмица, а како дел од програмата со која што ќе се одбележи празникот 11-ти Октомври, ќе се одржи 5-от традиционален фудбалски турнир за девојчиња. 

Поставени се 24 летниковци во градот и населените места

Општина Струмица и јавното претпријатие за комунални дејности „Комуналец“ продолжуваат со реализацијата на проектот за уредување на паркови површини во градот и населените места, а на кои што граѓаните ќе можат да одмараат и да се релаксираат. Во рамките на оваа активност, деновиве, заврши поставувањето на летниковец на улицата „Јанко Цветинов“ број, а во фаза на поставување е на улицата „Браќа Миладинови“. Досега се поставени вкупно 24 летниковци во заедничко партнерство меѓу граѓаните и Општината. Со цел истите да им служат и на следните генерации, општина Струмица потпиша меморандум за соработка, чување и одржување на летниковците со куќните совети и месните заедници.

Општина Струмица беше домаќин на уште едно издание на меѓународното рели со теренски возила и автомобили

Викендот што измина беше во знакот на 37-то меѓународно рели и рели крос со теренски возила и автомобили кое што се одржа на патеката на Тркања, под генерално покровителство на општина Струмица. Релито го отвори градоначалникот Зоран Заев,

Кучињата скитници се третираат согласно Законот за заштита и благосостојба на животните

По зачестените објави и коментари за кучињата скитници, општина Струмица, иако и досега тоа го правела, уште еднаш ги информира граѓаните дека кучињата скитници на територијата на Општината се третираат исто како што тоа се прави на територијата на целата држава. Како и при решавањето на другите проблеми на граѓаните, така и овој се решава согласно важечките законски прописи во Република Македонија, а во овој случај, согласно Законот за заштита и благосостојба на животните според кој кучињата скитници имаат хуман третман.

Градоначалникот Заев: Ќе им бидам пријател на сите спортисти, спортски клубови и национални селекции

Под генерално покровителство на општина Струмица, денеска, се одржа 37-то меѓународно рели и рели крос на теренски возила и автомобили на патеката во реката Тркања. Учесниците од Србија, Бугарија и Македонија, како и поголемиот број посетители на овој интересен настан, ги поздрави градоначалникот Зоран Заев, кој рече дека како и до сега, ќе им биде пријател на сите спортисти, спортски клубови и национални селекции, затоа што спортот во Македонија заслужува многу повеќе.

© 2005-2019 Општина Струмица, ул."Сандо Масев" бр.1, 2400 Струмица, Република Македонија, тел.00389(0)34 348030, факс.(034)320544