Вести - Октомври 2016

Градоначалникот Заев: Портите на Струмица секогаш ќе бидат ширум отворени за италијанскиот јазик и култура

Градоначалникот на општина Струмица, Зоран Заев и амбасадорот на Република Италија во Република Македонија, Карло Ромео, вечерва во домот на АРМ во Струмица присуствуваа на манифестацијата по повод одбележувањето на Неделата на италијанскиот јазик и култура. Во своето обраќање, градоначалникот Заев потенцираше дека задоволство е повторно, по кој знае кој пат, да се биде град домаќин на  Неделата на италијанскиот јазик и култура и порача понатамошно негување и продлабочување на соработката помеѓу општина Струмица и амбасадата на Република Италија во нашата земја, која и во иднина би резултирала со корисни проекти, на взаемно задоволство.

Градоначалникот Заев до лицата со посебни потреби: Ќе го добиете местото кое го заслужувате во нашето општество

Како долгогодишни и верни пријатели, градоначалникот на општина Струмица, Зоран Заев и лицата со телесен инвалидитет од цела Македонија, синоќа, поминаа уште една вечер за паметење. Градоначалникот уште еднаш ја потврда неговата континуирана  поддршка и пријателски однос кон лицата со посебни потреби, а тие му возвратија со срдечно добредојде и искрени прегратки на традиционалната манифестација  „Тортијада“ и на „Музичките средби“ кои што се одржаа во хотелот „Цар Самуил“ во Банско.

Изградба на нов НВО центар е приоритетниот проект кој што го избраа граѓаните на општина Струмица

Проектот за изградба на нов НВО центар – создавање механизми за институционална соработка помеѓу општина Струмица и граѓанскиот сектор доби 80 гласови и тој е приоритетниот проект кој што општина Струмица ќе го имплементира во 2016-2017 година, така одлучија граѓаните на Граѓанскиот проектен форум кој што синоќа се одржа во големата сала на домот на АРМ. Неговата изградба ќе се финансира со 2.200.000 денари обезбедени од општина Струмица и Фондацијата Отворено општество Македонија.

Реализирана сообраќајно-едукативна активност во основните училишта во општина Струмица

Општинскиот совет за безбедност на сообраќајот на патиштата - Струмица, во рамките на  активностите за унапредување на безбедноста на  децата во  сообраќајот, заедно со учениците, наставниците и родителите од основните училишта во општина Струмица, реализираше активност во сообраќајно едукативната кампања „Да ги заштитиме децата во сообраќајот“.

Асфалтирана улица во Градско Балдовци

 Градежните активности на асфалтирање улици  во општина Струмица, продолжуваат со несмален интензитет.  Според информациите од Одделението за комунални работи при Општина Струмица,

Нова „зелена“ површина во Струмица

Денес вработени во РЕ „Зеленило“ при ЈПКД „Комуналец“ , извршија оплеменување на „триаголникот“ кој се наоѓа на почетокот на булеварот Ленинова (на влезот во градот).

Во тек се активностите на уредување на гробиштата во Добрејци

Работна група од ЈПКД „Комуналец“ интензивно работи на уредување на гобиштата во село Добрејци. Според информациите од јавното претпријатие, во моментов се работи на целосно чистење и израмнување на земјиштето на гробиштата, по што ќе следи проширување на истите и нивно оградување. Овој проект е дел од Програмата „Уредување на простор во рурални подрачја“ за 2016 година, на Општина Струмица, за што се проектирани и обезбедени средства од општинскиот Буџет.

В петок во Домот на АРМ ќе се одржи граѓански проектен форум

Граѓаните на општина Струмица и годинава ќе имаат можност да предложат и изгласат приоритетни проекти, кои ќе бидат имплементирани од страна на Општината во периодот 2016 -2017 година. Тоа ќе се случи в петок во Домот на АРМ, во рамките на граѓанскиот проектен форум, на кој ќе бидат презентирани планираните проекти од Стратегиите – акциските планови за образование, социјална заштита, млади и соработка со граѓански организации.

  1. Наградени осум кандидати во проектот „Поддршка на старт ап бизниси за млади“
  2. Започна санирањето на ударните дупки во Добрејци
  3. Се тампонира локалниот пат од Муртино до Еднокуќево
  4. Претставник на општина Струмица на работилница за дефинирање на критериумите за активности од интегрирано образование

Страница 3 од 9

© 2005-2019 Општина Струмица, ул."Сандо Масев" бр.1, 2400 Струмица, Република Македонија, тел.00389(0)34 348030, факс.(034)320544