Вечерва во НУЦК „Антон Панов“ - Струмица започнува ревија на руски воени филмови по повод 75-годишнината од почетокот на Големата Татковинска војна. Филмскиот циклус е составен од четири долгометражни играни филмови: БЕЛИОТ ТИГАР на Карен Шахназаров (23 јуни, четврток, 20 час.), НОРМАНДИЈА-НЕМАН на Жан Дервил и Дамир Вјатич-Бережни (24 јуни, петок, 20 час.), НИЕ СМЕ ОД ИДНИНАТА I на Андреј Малјуков (25 јуни, сабота, 19 час.), НИЕ СМЕ ОД ИДИНИНАТА II на Александар Самохвалов и Борис Ростов (25 јуни, сабота, 21 час.). Оваа филмска ревија е во соработка со Амбасадата на Руската Федерација во РМ, Општина Струмица, Кинотека на Македонија и НУЦК „Антон Панов“ – Струмица. Влезот е бесплатен.

Машката одбојкарска екипа на СОУ „Никола Карев“ под менторство на наставниците по физичко образование Илија Јанков и Вера Божијанова Димитриевска, ќе земат учество на Светското одбојкарско првенство за средношколци, кое од 25. јуни до 3. јули ќе се одржи во српската престолнина Белград.

Повеќе...

На 24,25 и 26 јуни (петок,сабота и недела) во дворот на Друштвото „Партизан“ ќе се одржи турнир во одбојка на песок, во организација на Одбојкарскиот клуб „Ветерани“ Струмица.Според зборовите на Љупчо Танушев кој е дел од организацијата на турнирот, во моментот се прават последните подготовки околу адаптацијата на теренот и поставувањето на неопходната опрема за одигрување на натпреварите.

Повеќе...

Васил Пишев повторно одработува за Груевски и неговата партија и како послушен ученик ја извршува зададената задача од ВМРО-ДПМНЕ. Но и денес ништо ново. Само купишта лаги, измислици и испревртени тези.Пишев и ВМРО-ДПМНЕ играат на картата ,,сто пати повторената лага станува вистина‘‘, но веќе и таа карта не им поминува, бидејќи на јавноста и е сосема јасно кој е кој и кој е што.Во изминатите 10 години ВМРО-ДПМНЕ одржа стотици и стотици прес конференции на измислената тема ,,незаконски тендери во општина Струмица‘‘ и се остана само на тие прес конференции.Десет години, на сите институции во државата им е совршено јасно дека во Општина Струмица се работи чесно, транспарентно и согласно важечките закони.Општина Струмица и натаму добива награди и признанија за работењето, а оние кои се служат со лаги добиваат тужби кои на крајот ги губат. Така е и со случајот Васил Пишев.

По повод 75-годишнината од почетокот на големата Татковинска војна, Амбасадата на Руската федерација во Македонија во соработка со Општина Струмица и Кинотеката на Македонија, организира ревија на руски воени филмови, која ќе се одржи од 23. до 25. јуни во НУЦК „Антон Панов“. На ревијата ќе бидат застапени четири воени филмови од различни периоди на руската кинематографија. Со тоа продолжува добрата соработка помеѓу Општина Струмица и Амбасадата на Руската Федерација во нашата земја, која во изминатиот период се одликуваме со низа активности, како и негување и унапредување на односите што Општина Струмица ги има со рускиот градски округ Електростаљ-Московска област.

„Нов агол“ е името на летната работилница што во организација на Здружението „Рефлексија“ ќе се одржи на 14. и 15. јули во Центарот на заедницата на Општина Струмица (Дом на АРМ). Станува збор за работилница за вовед во скицирање, 3Д моделирање и логично размислување за ученици од средните училишта кои во учебната 2016/2017 година ќе ја посетуваат наставата во трета и четврта година.

Повеќе...

ВМРО ДПМНЕ, Никола Груевски и Васил Пишев никако не можат да преболат дека Општина Струмица на чело со Зоран Заев е најуспешната и најнаградуваната Општина во Македонија. Пратеникот Васил Пишев измислувајќи некаков скандал во Општина Струмица, всушност самиот се скандализира со ноторното непознавање на Законот за јавни набавки.

Повеќе...