Вести - Јуни 2016

Одржана креативна работилница за климатските промени

По повод 5. јуни Светскиот ден на животната средина, денес во Малиот градски парк се одржа креативна работилница на тема „Климатски промени“. На истата учествуваа ученици од основните и средните училишта кои цртаа и пишуваа еко-пораки за климатските промени.

Одржан отворен ден со Комисијата за здравствена заштита, социјална заштита и заштита на децата

Синоќа во Домот на АРМ, Центарот на заедницата на општина Струмица, во рамките на својата програма за работа за 2016 година, реализираше Отворен ден со членови на Комисијата за здравствена заштита, социјална заштита и заштита на децата при Советот на општина Струмица.

Заврши запишувањето на деца во прво одделение

Во периодот од 1. до 31. мај траеше уписот на деца во прво одделение за учебната 2016/2017 година. Според информацијата од Одделението за образование при Општина Струмица, во деветте општински основни училишта, во законски утврдениот рок, биле запишани вкупно 481 дете, од кои 236 машки и 245 женски. Најголемиот дел од нив (468) се родени во 2010 година. Родителите кои од објективни причини не успеале да ги запишат своите деца во предвидениот рок, тоа ќе можат да го сторат и во наредниот период, до почетокот на учебната година.

Потпишан договорот за изградба на патот Муртино-Еднокуќево

Градоначалникот на општина Струмица Зоран Заев и директорот на Бирото за регионален развој Џемаил Ељмази, денес во просториите на Бирото во Скопје, го ставија својот потпис на Договорот за реализација на проектот „Изградба на локален пат с.Муртино – с.Еднокуќево“.

 

Уште една активност на Центарот на заедницата на општина Струмица

Вечерва со почеток во 18 часот во Дом на АРМ, во организација на Центарот на зедницата на општина Струмица, ќе се одржи Отворен ден со Комисијата за здравствена заштита, социјална заштита и заштита на децата, при Советот на општина Струмица. Оваа активност е дел од проектот „Отворени денови со советниците од одделните комисии на Советот на Општина Струмица“, во рамките на годишниот план за работа на Центарот за 2016 година.Целта на овој настан е запознавање и доближување на работата на Комисијата до граѓаните, како и нивно вклучување со давање предлози и во носењето одлуки на локалната самоуправа.На отворениот ден активно учество ќе земат: д-р Кирил Николов – претседател на комисијата и членовите на истата – д-р Методи Витанов, д-р Коста Јаневски, д-р Катерина Кузмановска и д-р Тинка Стојанова.

Страница 6 од 6

© 2005-2019 Општина Струмица, ул."Сандо Масев" бр.1, 2400 Струмица, Република Македонија, тел.00389(0)34 348030, факс.(034)320544