На иницијатива на Канцеларијата на Претседателот на Владата на Република Северна Македонија, а во организација на Одделението за образование при општина Струмица, советникот на Претседателот на Владата за образование, здравствена заштита, социјална заштита и институционален систем за лицата со попреченост, Спасе Додевски, одржа координативен состанок со сите раководители и стручни служби во основните училишта.

Повеќе...

Продолжува обновувањето на вертикална сигнализација во општина Струмица. За поголема безбедност во сообраќајот, поставени се нови сообраќајни знаци и вештачки издадености на патот (легнати полицајци) на крстосницата на улицата „Младинска“ со улицата „Ѓорѓи Василев“ во градот и околу основното училиште и на дел од крстосниците во населеното место Куклиш.

Во организација на Домот за деца и млади „Благој Мучето“ од Струмица, денеска, беше отворена изложбата на ликовни творби создадени на Габровскиот водопад од учениците во основното општинско училиште „Маршал Тито“ од Муртино под менторство на наставникот Панче Ѓорѓиев. Изложени се 15 ликовни творби изработени во техника сув пастел на хамер, а на отворањето на изложбата присуствуваа учениците од ООУ „Герас Цунев“ од Просениково и преставници од Одделението за образование од Општина Струмица.

Општина Струмица и оваа година се вклучи во настанот „Европска недела на мобилност„ која што се одржува од 16 до 20 септември 2019 на тема „Пешачи со нас". По повод светскиот ден без автомобили, 20 септември (петок), на плоштадот „Гоце Делчев“ со почеток во 10 часот ќе се одржи дефиле со велосипеди. Општина Струмица ги повикува сите граѓани да учествуваат во дефилето со цел заеднички придонес за подигање на свеста за користење на велосипеди и повеќе пешачење. 

Повеќе...

Градоначалникот Коста Јаневски, денеска, посети дел од основните училишта во населените места. Со извршените инфраструктурни зафати и набавката на нови нагледни средства, воспитно – образовниот систем во основните училишта „Гоце Делчев“ од Вељуса, „Герас Цунев“ од Просениково, „Св. Кирил и Методиј“ од Дабиле, „Маршал Тито“ од Муртино и подрачното училиште во Банско, се одвива во соодветни услови. Градоначалникот Јаневски потврди дека Општина Струмица ќе продолжи со поддршката на училиштата за квалитетно образование на децата.

Со пригодна свеченост која што се одржа на Спомен костурницата, денеска, беше одбележана 75-годишнината од ослободувањето на Струмица. За овој убав и голем јубилеј, зборуваше градоначалникот Коста Јаневски. Струмица е слободен град со слободни граѓани. Оваа вест не е нова, но секогаш е убава да се слушне, оти ништо на овој свет не е поубаво од слободата.

Повеќе...