Вести - Септември 2019

Ќе се ревитализира и конзервира манастирот „Света Богородица Елеуса“ во Вељуса

Амбасадорката на САД во Република Северна Македонија, Кејт Мари Брнз и министерот за култура, Хусни Исмаили, денеска, го потпишаа Договорот за користење на грантот со кој ќе се ревитализира и конзервира манастирот „Света Богородица Елеуса“ во населеното место Вељуса. На потпишувањето во дворот на манастирот присуствуваше и градоначалникот, Коста Јаневски.

И во новата грејна сезона ќе се субвенционираат новите приклучоци на гасоводната мрежа

Општина Струмица и годинава ќе продолжи со субвенционирањето на новите приклучоци на гасоводната мрежа во износ од 100 евра во денарска противредност од 600 евра колку што чини приклучокот на мрежата. На вчерашната 27-ма седница на Советот, општина Струмица уште еднаш ја потврди својата поддршка на овој проект со донесување на одлука за субвенционирање на граѓаните со 100 евра во денарска противредност за ново приклучени корисници.

Отворен повик за годишната LEAD MK стипендирана програма

Би сакале да ве информираме дека во тек е отворениот повик за годишната LEAD MK стипендирана програма, која се реализира во рамки на Проектот на УСАИД за граѓанско учество. LEAD MK стипендираната програма преставува современа програма за лидерство и застапување за младите на возраст 18-25, да ги подобрат своите вештини и знаења, и преку нив да придонесат за позитивен развој на своето опкружување.
Апликациската форма и целосниот повик за апликации може да го најдете на следниов линк.
Повикот за апликации е отворен до 4 октомври, 12:00 на пладне.
 

Советот ја одржа 27-та седница

Членовите на Советот на општина Струмица, денеска, ја одржаа 27-та седница на која што расправаа и донесоа одлуки по 72 точки од повеќе области во надлежност на Општината, а во интерес на граѓаните.

 

Зајакнување на социјалниот дијалог, повик за изразување интерес, стручна експертиза во развој на вработувањето на локално ниво

Во повеќе извештаи за напредокот од Европската комисија се укажува на потребата за натамошен развој на социјалниот дијалог меѓу главните актери во економијата. Во оваа насока, Меѓународната организација на трудот и помага на земјата во нејзините напори за унапредување на социјалниот дијалог како суштински елемент на Европскиот социјален модел, што ги промовира конкурентноста, споделувањето на користите и зајакнувањето на економскиот просперитет и социјалната добросостојба.
Целосната информација може да ја видите на следниов линк.

Младинска акција во Струмица по повод Меѓународниот ден на мирот

Повеќе од 150 ученици од средните училишта „Никола Карев“ и „Јане Сандански“, денеска во Струмица го одбележаа Меѓународниот ден на мирот со младинска акција во дворот на средното училиште „Никола Карев“. Акцијата беше поддржана од Општина Струмица и Проектот на УСАИД за меѓуетничка интеграција на младите во образованието, во соработка со Младински образовен форум. Садниците беа набавени од ЈП „Македонски шуми“ - подружница Струмица, а техничката поддршка од ЈПКД „Комуналец“.

Општина Струмица ја одбележа „Европската недела на мобилност“

По повод светскиот ден без автомобили, 20 септември, а во рамките на „Европската недела на мобилност“, денеска, се одржа дефиле со велосипеди под мотото „Пешачи со нас“. Во своето обраќање до учесниците на дефилето на плоштадот „Гоце Делчев“, градоначалникот Коста Јаневски упати апел за поголемо користење велосипеди, како и за пешачење кои се во функција на намалување на штетните гасови од автомобилите, намалување на последиците од климатските промени, а со тоа и зачувување на нашето здравје.

Термини за полагање на испит за добивање на сертификат за авто-такси возач

Комисија за спроведување на постапката и програмата за полагање на испитот за добивање на сертификат за авто – такси возач

 

МЕСЕЦ СЕПТЕМВРИ 2019 ГОДИНА

© 2005-2019 Општина Струмица, ул."Сандо Масев" бр.1, 2400 Струмица, Република Македонија, тел.00389(0)34 348030, факс.(034)320544