Во ООУ „Маршал Тито“ од Муртино реализирана активноста „Штафети во вреќи“
Во рамките на проектот финансиран од Детската Фондација Песталоци, учениците од основното општинско училиште „Маршал Тито“ од Муртино, реализираа активност која беше планирана во рамките на секцијата по физичко и здравствено образование. Активноста наречена „штафети во вреќи“, опфати повеќе елементи на заедничка тимска работа, работа во групи, меѓусебна соработка, дружење и учење едни од други.
Се одржа инфо сесија за Проектот за локална и регионална конкурентност
Со објавувањето на вториот повик за доделување на подгрантови за поддршка и развој на туризмот, се одржа инфо сесија за Проектот за локална и регионална конкурентност, кој се финансира со грант од Европската унија (ИПА 2). Целта на инфо сесијата беше потенцијалните апликанти подетално да се запознаат со целите на повикот како и со самиот процес на аплицирање. Според Антонија Шишак, директор на проектот, на повикот можат да аплицираат општини, јавни институции, микро и мали претпријатија, граѓански здруженија, туристички организации и едукативни центри.
Градоначалникот Јаневски беше домаќин на децата со Даунов синдром
Градоначалникот Коста Јаневски беше домаќин на децата со Даунов синдром и нивните родители - членови на здружението за помош и поддршка на лица со Даунов синдром „Вера“ од Струмица. Пријателството беше причината за дружењето, а поводот - Светскиот ден на лицата со Даунов синдром, само ден за потсетување што е направено и што уште треба да се направи во унапредувањето на условите за живот подеднаков за сите.
Градоначалникот Јаневски одржа средба со претставници на Министерството за одбрана
Градоначалникот на општина Струмица, Коста Јаневски, денеска, одржа работна средба со Драган Николиќ државен секретар во Министерството за одбрана и неговите соработници. На средбата се разговараше за предавање на сите објекти во поранешната касарна од Министерството за одбрана на општина Струмица. Првиот објект во трајно користење, општина Струмица го доби во декември 2017 година. Инаку, Струмица е последната општина од вкупно десет, која од Министерството за одбрана ги добива на трајно користење објектите од старата касарна во рамките на проектот „Старите касарни за нов локален развој“, а кој започна да се реализира во 2010 година.
Во ООУ„Видое Подгорец“ го најавија доаѓањето на пролетта и ги одбележаа Денот на екологијата и Светскиот ден на лицата со Даунов синдром
Со низа активности стручната служба на основното општинско училиште „Видое Подгорец” од Струмица, денеска, во соработка со I-во Б одделение, го најавија доаѓањето на пролетта и го одбележаа Денот на екологијата, како и Светскиот ден на лицата со Дауновиот синдром.Се зборуваше за различностите и нивното прифаќање, а потоа заеднички изработија пролетна слика со своите отпечатоци, упатувајќи порака дека секој од нив е различен, ама сите заедно создаваат прекрасна слика. Исто така децата ги изработија првите пролетни цвеќиња. На нив имаше испишано порака ДЕЦАТА И ПРИРОДАТА СЕ НАШАТА ИДНИНА. ДА ГО СОЧУВАМЕ ДОБРОТО ВО НИВ. Беше изведено пролетно дефиле, а изработките беа поделени низ струмичкиот булевар на случајни минувачи.
Општина Струмица упатува Јавен повик за инфо сесија за Проектот за локална и регионална конкурентност
Општина Струмица како еден од потенцијалните корисници на подгрантовата шема на Проектот за локална и регионална конкурентност кој се финансира со грант од Европската унија (ИПА 2). Неговата развојна цел е да го зајакне придонесот на туризмот во локалниот економски развој и да ги унапреди капацитетите на институциите со цел да се поттикне развојот на туризмот и да се олесни управувањето со дестинациите.
Јавен повик
Општина Струмица во партнерство со програмата за развој на обединетите нации (УНДП) објавува: Јавен повик за граѓански организации за поднесување предлог проекти во рамки на регионалната програма за локална демократија во Западен балкан (ReLOaD).Јаневски:Ќе бидеме партнери во унапредувањето на животот во ромската заедница
Градоначалникот на општина Струмица, Коста Јаневски, денеска учествуваше на конференцијата за промоција на Програмата ROMACTED „Промовирање на добро управување и зајакнување на Ромите на локално ниво“ заедничка програма на Европската унија и Советот на Европа, а која што се одржа во Скопје. Целта на оваа Програма е да се изгради политичка волја и одржлив политички ангажман на локалните власти за подобрување на демократското локално владеење, јакнење на ромската заедница и подобрување на институциите во работењето за ромска инклузија. Во обраќањето пред присутните на конференцијата, градоначалникот Јаневски рече дека општина Струмица има добра волја и ќе ги искористи сите капацитети и можности за поголема инклузија на Ромите.
