Отворени се сите зелени пазари

Општинскиот штаб за заштита и спасување на општина Струмица ги известува граѓаните дека сите зелени пазари се отворени за продажба на земјоделски и прехранбени производи, но со посебни услови за работа заради вонредните околности со Covid 19.
Јавното претпријатие за комунални дејности „Комуналец“ врши постојана дезинфекција, а постави и редари за максимално почитување на посебните услови. Тоа значи дека сите продавачи треба да носат заштитни маски и ракавици, а истите заштитни мерки важат и за купувачите.

Се врши дезинфекција на контејнерите, тротоарите, улиците и пешачките зони

Општина Струмица заедно со ЈПКД „Комуналец“ и Територијалната професионална противпожарна единица континуирано спроведуваат активности за превенција од ширење на корона вирусот.
Вработените во одделението „Комунална хигиена“ на „Комуналец “ денеска започнаа и со дезинфекција и поправка на сите метални контејнери и дезинфекција на местата каде што се поставени. Истовремено, продолжува и дезинфекцијата на улиците, тротоарите и пешачките зони. 
Апелираме до граѓаните, во овие вонредни околности, да покажат поголема одговорност и сметот да го депонираат исклучиво во контејнерите и да ги почитуваат сите мерки и препораки на општина Струмица и Владата на Република Северна Македонија.

Ќе продолжат реконструкцијата и реставрацијата на Цареви Кули и уредувањето на патеките

Градоначалникот Коста Јаневски, денеска го потпиша договорот за грант од Европската унија и Владата на Република Северна Македонија за реализација на неколку капитални проекти кои ќе се спроведат во општина Струмица во рамки на Проектот за локална и регионална конкурентност и тоа:
- Реконструкција и реставрација на Цареви кули
- Осветлување на бедемите и кулите на тврдината Цареви Кули
- Доуредување на трим патеката Ловен дом – Св. Илија
- Изградба, уредување и осветлување на пешачка патека Ловен дом – Цареви Кули
- Уредување на планинско велосипедска патека Чам-чифлик – Св. Илија

Од оваа дистанца, откажувањето на карневалот беше многу исправна одлука

За актуелната состојба со корона вирусот, мерките коишто ги презема Општина Струмица за да го спречи неговото ширење и почитувањето на тие и мерките на Владата на Република Северна Македонија, градоначалникот Коста Јаневски зборуваше во емисијата „Утрински брифинг“ на Слободна ТВ.

Од денеска се забрануваат рекреативните движења по трим патеката до Свети Илија

Врз основа на мерките и препораките на Владата на Република Северна Македонија, а по наредбата донесена од Општинскиот штаб за заштита и спасување, од денеска трим патеката до манастирот „Свети Илија“ се затвора за рекреативни движења на граѓаните.
Се апелира до граѓаните од сите возрасни групи да ја почитуваат оваа мерка, бидејќи таа е во интерес на нивното здравје.

Мобилните тимови на општина Струмица делеа флаери со препораки за заштита од корона вирусот

Мобилните тимови на општина Струмица составени од волонтери кои доброволно се пријавија и волонтери од Општинскиот Црвен крст, денеска, на граѓаните им делеа флаери со препораки за заштита од корона вирусот. Флаерите се делеа на продавачите и купувачите на пазарите и околните улици каде што имаше зголемена фреквенција на луѓе.
Јавното здравје е заедничка одговорност. Да ги почитуваме мерките и да го заштитиме нашето здравје.

Асфалтирана улица во населеното место Баница

Согласно програмите за реализација на општина Струмица, деновиве се изврши асфалтирање на улица во населеното место Баница во должина од околу 230 метри.
Исто така, во тек се активности на улицата „Стив Наумов“ каде што се врши асфалтирање на дел од реконструираната улица, а ќе се врши и асфалтирање на сокак на улицата „Ванчо Китанов“ каде претходно беше поставена атмосферска канализација.

Се врши дезинфекција на училиштата и градинката

Општина Струмица продолжува со спроведувањето на превентивни мерки за заштита на здравјето на граѓаните од болеста Covid-19. Паралелно со дезинфекцијата на улиците, јавните површини и пазарите, се врши и вонредна дезинфекција на сите основни и средни училишта и на сите клонови на градинката „Детска радост“ во градот и населените места.

  1. Се прошируваат превентивните мерки за заштита од корона вирусот
  2. Известување за работата на пазарите
  3. Градоначалникот Коста Јаневски упати апел до граѓаните за почитување на мерките за заштита од корона вирусот
  4. Градоначалникот Јаневски одржа состанок со кординаторите на советничките групи на СДСМ и ВМРО ДПМНЕ
© 2005-2019 Општина Струмица, ул."Сандо Масев" бр.1, 2400 Струмица, Република Македонија, тел.00389(0)34 348030, факс.(034)320544